Gawas pa, di pa gyud mi makatulod sa lungon patanos ngadto sa nitso kay ang buka may duol nga railings nga nakaali. […] Sa laktod nga pagka-estorya, wa gyud siya malubong didto hinungdan nga gipangitaan og laing nitso. […] Nakabalhin man tuod og laing nitso pero may dakong buslot sa tumoy.
2016 — Tabasa, Vivencio, Ang ‘Sexy’ nga Ungo (16 July), Sugilanon, Kalingawan, SuperBalita
Dihang nagkadikit ang ilang mga lawas kalit gigakos ni Ruben si Celia. Miratsada sab si Celia. Wala nila mapugngi ang kalalim sa ilang gibati. Dihang ukoban na unta ni Ruben ang mga ngabil ni Celia kalit nga nausab ang hitsura niini. Nakuratan si Ruben. Nakita niya nga ngil-ad kaayo ang nawong ni Celia. Nikalkag ang buhok ug mitag-as ang tango nga buot mohambat sa iyang liog. Mikurog si Ruben sa kalisang ug gitukmod si Celia nga napahigda sa nitso. Tulin pa sa alas kuwatro nga mikaratil siyag dagan.
