2018 — Del Rosario, Jefferson, Color Game (05 September), Bisaya, Manila Bulletin Publishing Corporation
Matag buwan sa Mayo, naandan na sa Pamilya Durano ang pagtukod og peryahan sa Sitio Tuburan. Kini ang usa sa mga kalingawan nga ilang gihunahunang idalit aron mohayag ug malingaw ang mga tawo sa kapistahan ni Senyor San Vicente Ferrer. Usa pod ni sa dakong tabang tungod kay ang Pamilya Durano ang misagubang sa tanang gasto sa pista— gikan sa mga kalihokan, banda, kuryente, mga pamisa, esnaks sa mga tawo samtang nagdagan ang nobena sa patron ug ang fireworks display nga maoy nagpahugyaw sa mga tawo.
