Usa ka gabii nagdamgo si Ingko Benito. Naglutaw siya sa hangin. Mipanaw sa kapunawpunawan sa tumang katulin. Wa madugay iyang nalantawan ang dakong siyudad nga nagbanaag sa kahayag. Ang mga edipisyo daw hinimo sa bulawan. Pagka taudtaod mao na lamay iyang naamguhan nga siya nahitugpa sa usa ka matahom kaayong tanaman. Binakbakan kini sa mga mahalong mga bato sama sa sapiro, esmeralda ug rubi.
