1668, Franciscus Nyderheiden, Dominicalis Annualis Pars Secunda, Sivè Diſcurſus Prædicabiles à Dominica prima Adventus uſque ad Dominicam Pentecoſtes, excepto tempore Quadrageſimali, apprimè efficaces ad animos Audientium movendos., discourse V: “Pro Dominica infra octavam Nativitatis: Mirantur Joſeph & Maria, quod Chriſtus ſit poſitus in ſignum, hoc eſt, in ſcopum, in quem Chriſtiani ejaculantut, & ob mutationem ſubitaneam in nocte nativitatis, & quod ſit poſitus in ruinam & reſurrectionem multorum.”, pages 25–26:
Ad exemplum Davidis hodie Religioſi, & Canonici in Eccleſiis ſeptem horas perſoluunt ad honorẽ ſanctiſſimæ Trinitatis. Quid adhoc diabolꝰ? Poteſtne hoc æquis videre oculis? Dicitur communiter, ubi Deus habet templum, ibi Sathanas ſolet ædificare ſacellum, tanquam ſimia ipſius, quia itaque videt Religioſos, & Canonicos, hic in terris ſanctiſſimæ Trinitati in dies ſeptem horas Canonicas perſolvere, & ipſe hic ſibi in terris conſtituit Cantores, ſunt autem ſeculi amatores, qui ſeptem quaſi horis, & diverſis temporibus de die litant Diabolo, eique fideliſſimè ſerviant, mane ſurgentes poſcunt ientaculum, & vinum aduſtum, inde ſtantes ante ſpeculum ſe diligenter comunt, & exornant, loco Tertiæ, poſtea vadunt ad templum ad quadrantem confabulationibus loco ſextæ & jocis vacantes, exinde repetunt domum præcedentis diei enormitates, levitates, vel nocturna ſomnia invicem ennarrantes loco Nonæ; interim opiparum præparatur prandium, ſternitur menſa, accumbunt, lautè edunt, & bibunt, epulaſque alcarum, vel chaetarum luſur, ne dicam perjuriis, & blaſphemijs tanquam hymnis, & canticis concludunt, tales veſperas amat diabolus.
