Ils eſtoient accouſtrez comme il appartenoit à des Soldats de Neron, portans pour armes, des lyres & archetz & autres tels inſtruments de Muſique auec des maſques & habillemens ſeruans à ioüer farces & Comedies: auſſi rapporterẽt ils des victoires telles qu’il appartenoit à vn tel exercite, qui auoit ſurmonté & vaincu vn Terponus, vn Diodorus & Pammenus au lieu de Philippus, Perſeus & Antiochus. Il contraignit Pammenus, qui auoit autresfois eu grand vogue du temps de Caius de combattre, bien qu’il fuſt deſ-ja vieil & decrepit, & ce pour faire honte & outrage aux ſtatuës qu’on luy auoit dreſſees.
